Төлеп Әнетұлы – Алшынның атақты батыры.

• 0
• Оқылған саны: 141

Маңғыстаудың 362 әулиелі киелі топырағы есімдері ел аузында аңыз-әңгімелерге арқау болған біртуар адамдарға кенде болмаған. Сондай адамдардың бірі де бірегейі – XVII ғасырдың аяқ кезінде өмір сүрген Адайдың Бәйімбет руының ұрпағы Әнетұлы Ер Төлеп.

Төлеп Әнетұлы – Алшынның атақты батыры. 80 рет Маңғыстауға келген жауды қайырған, 50 рет жекпе-жекте жеңіске жеткен, 7 рет жалғыз өзі көп жауды жеңген, 83 жасында өз ажалынан өлген.

Ер Төлептің ерлік жорықтары Маңғыстаудың қараойына көз тіккен парсы, қалмақ, Алан, Сейілхан, Өзбек, Хиуа мен Бұхар басқыншыларының тұтқиылдан жасаған шабуылдарынан елі мен жерін арашалауға құрылды.

Ер Төлептің киелілігі сонда, ол өз бетімен бірде-бір рет басқыншылық, барымташылық жорықтарға қатынаспаған.

Елі үшін өз басын бәйгеге тігіп, күш қайраты мен құдай берген әруағының арқасында қанжығасына хас дұшпанының басы байланса да олжалау, дүниеге қызығу батырдың ойында болмаған әдет. Хас батырға ғана лайықты болмыс-бітімі, мәрттігі, тектілігі Төлеп батырдың мінезіне біткен енші еді.

Ер Төлептің ерлік жорықтарын баяндай отырып, үйіріп әкететін бұл кітап көпшілік оқырманға арналған.