«Дүйім елдің ардақтысы, айбары» - Дүйсембі Әріпұлы

• 28 ақпан 2023
• Оқылған саны: 340

24.02.2023 жылы  ҚР Журналистер одағының мүшесі, Қазақстанның еңбек сіңірген қызметкері, Маңғыстау облысының, Ақтау қаласының, Даллас(АҚШ) қаласының және Бейнеу ауданының «Құрметті азаматы» Дүйсембі Әріпұлының 90 жылдығына орай кітапханамызда «Дүйім елдің ардақтысы, айбары» атты еске алу кеші өтті.

Іс-шараға Маңғыстау облысы әкімінің орынбасары Тналиев Ұлықбек Серікұлы, Өмірзақ Озғанбаев облыстың мемлекеттік қызметкерлері мен өлкенің зиялы қауым өкілдері қатысты.

Мемлекет қайраткері Д.Әріпұлы туралы тағылымды әңгімелер, тамаша естеліктер айтылды. Әнші Айнұр Омарова, А.Тарақұлы атындағы өнер мектебінің оқушысы Шакхат Аслимова, М.Өскінбаев атындағы Маңғыстау облыстық филармониясының қызметкері Қайсар Жамбылұлы арнайы келіп өнер көрсетті. Д.Әріпұлының немерелері Ғалымқызы Рухсана мәнерлеп өлең оқып, Лаура Әріп атасына арнау ән орындап көптің көңілінен шықты. Сонымен бірге, кітапхана оқырмандарынан құралған «Жігер» клубының мүшелері Дархан Шаңытбаев пен Руслан Нұрлыбаев абыз ақсақалға шығарылған арнау өлеңдер оқыды. Іс-шара аясында «Кітап – менің егізімнің сыңары» атты көрме жасалды. Бұған қоса, Д.Әріпұлының жеке кітапханасы мен мұрағатынан алынған мұралар «Алтын қолтаңба» атты көрмеге бөлек қойылып, көпшілікке таныстырылды. Ел ағаларының қолтаңбасы қойылған (Д.Қонаев, Қ.Тоқаев, М.Атымов, Қ.Сыдиықов, т.б.) бұл құнды кітаптар мен Дүйсембі ақсақалдың қолжазбалары уақыт өткен сайын бағасы арта түсетін қымбат қазына деп білеміз. Еске алу кешіне келген барша қонақтарға, артында қалған жәдігерлерін көздің қарашығындай сақтап отырған отбасына алғыс айтамыз!