«Book club»

• 0
• Оқылған саны: 4040

   Облыстық кітапханасының Шетел әдебиеттері залында  шілде, тамыз және қыркүйек айларында ағылшын тілінде  «English speaking club» пен «Book club» және қазақ тілінде сөйлесу, француз тілін үйрену курстары өз жұмыстарын жалғастырып өткізді. 

    Ағылшын  тілінен «English speaking club» үйірмесі барысында белгілі бір тақырыптарға байланысты сұрақтар қойып, бір-бірімен ойларын бөлісіп, аудио тыңдау арқылы  практика жүргізіп, бейнежазбалар көрсетіледі. Әртүрлі тапсырмалар мен сұрақтар беріліп, сол тақырыпта әңгіме айтып және жауап беру арқылы  ағылшын тілінде сөйлеседі. Үйірме аптасына бір рет өткізілді. Жетекші Мисук Ли. 

   Тамыз айында басталған ағылшын тілінен «Book club» үйірмесінде қатысушылар ағылшын тіліндегі кітаптарды оқып-түсініп, өз ой-пікірлерімен бөлісті. Бір айда бір кітап таңдалып бірге оқылды. Үйірменің жетекшісі Құдайбергенқызы Арайлым. 

      Француз тілін үйрену барысында қатысушылар француз тілінде бастапқы деңгейде сөйлеу, оқу, жазу және әліпбиін үйренді. Француз тілі курсының жетекшісі Исхаков Асхат. Курс аптасына бір рет өткізілді. 

    Тамыз айында басталған қазақ тілінде сөйлесу үйірмесі барысында  қатысушылар өз ойларын қазақ тілінде жеткізіп, пікір алмасу тәжірибесін жинақтап, сөздік қорын кеңейтіп, күнделікті тұрмыстық жағдайларда қазақ тілінде еркінірек сөйлеуге үйренді. Жетекшісі Құдайбергенқызы Арайлым. Үйірме аптасына бір рет өткізілді.

Кітапханаға кел! Бізбен бірге дамы!