1-желтоқсан - Президент күні.

• 0
• Оқылған саны: 2766

29 қараша күні 1-желтоқсан - Президент күні қарсаңында Ақтау қаласының полиция басқармасында мазмұнды шара өтті. Бірлескен шарада Мемлекеттік әнұран орындалып, Президент қызметіне арналған бейнесюжет көрсетілді. Ақтау қаласының полиция басқармасы бастығының орынбасары Садақбаев Мұхтар Қанғалиұлы Елбасы қызметі туралы баяндама жасады. Елбасы қызметіне арналған кітаптарды Қ.Сыдиықов атындағы Маңғыстау облыстық әмбебап кітапхана қызметкері Досқалиева Асия Нутановна таныстырды. Мұрын жырау атындағы Маңғыстау гуманитарлық колледж студенттері  туған ел, Отан, туған жер туралы өлеңдерін мәнерлеп оқыды. Маңғыстау өнер колледжінің студенттері жырдан шашу шашты.  Шараға қатысушылар полиция басқармасы бастығының атынан "Алғыс хатпен" марапатталды.