2 СӘУІР ХАЛЫҚАРАЛЫҚ БАЛАЛАР КІТАБЫ КҮНІ

• 0
• Оқылған саны: 9139

Кітапханамыздың  балалар бөлімінде 2 сәуір - Халықаралық балалар кітабы күніне орай апталықтың ашылуы салтанаты өтті. Кешке қаламыздағы 9,12,15 орта мектептерінің бастауыш сынып оқушылары қатысып өз өнерлерін тамашалатты. 12 мектеп оқушылары кітап туралы өлеңдерін оқыса, 15 мектептің 5 сынып оқушылары Танаш Дәуренбековтің "Кітаптар мұңы" атты әңгімесінен көрініс көрсетті. 9 орта мектептің 4 сынып оқушылары И.А. Крыловтың туғанына 250 жыл толуына орай "Қарға мен түлкі", " Әкесі мен балалары" мысалдары бойынша көрініс көрсетті. Оқушылар ертегілер әлеміне саяхат жасап  Г. Андерсеннің " Бұршақ үстіндегі ханша" және қазақ ертегісі " Тазша бала" ертегілерінен көріністер көрсетілді. Балаларға кітап туралы бейнеролик арқылы фильмдер көрсетілді. Кеш жүргізушісі кітапханашы Хасанова К.А. балаларға риза болып , үздік балаларды марапаттады.