Республикалық акциясы аясында

• 0
• Оқылған саны: 1193

Маңғыстау облыстық кітапханасында және аудан, қалалық кітапханаларында республикалық  «Бір ел - бір кітап»-2025 акциясы аясында  қаңтар-қыркүйек айлары арасында 134 іс-шара өткізілді. Қатысушылар саны: 3862  адам.

Облыстық кітапханасында ақын, жазушы, әдебиет сыншысы Тәкен Әлімқұловтың «Телқоңыр» әңгімесіне талдау жасалды. «Бір ел – бір кітап» акциясының мақсаты туралы айтылды. Көрнекті жазушы Т.Әлімқұловтың өмірі мен шығармашылығы туралы мәлімет берілді. Әлімқұловтың шығармалары ел психологиясының тереңдігін, дәстүрлі мәдениеттің эпикалық кеңдігін, қоғамның дамуы үшін маңызды тарихи оқиғаларды бейнелейді. Т. Әлімқұлов нағыз  ұлы шығармаларды жасаған эпикалық прозаның шебері болған. Шараға «Жас қанат» мектебінің оқушылары, «Тұлға боламын» жобасының жетекшісі Сұлтан Тайғарин қатысып оқушыларға шығарма желісін әңгімелеп берді.Балалар өз оқығандарын ортаға салып талқылады, сұрақтарға жауап берді. 

06.03.2025 ж. «Бір ел – бір кітап» акциясы аясында Тәкен Әлімқұловтың  «Құлқын» әңгімесін талдау өткізілді. Мақсаты: Т.Әлімқұловтың еңбек жолымен, шығармаларымен таныстыру, кеңінен насихаттау. «Құлқын» әңгімесінің негізгі идеяларын, көркемдік ерекшеліктерін, автордың жазған ойларын ашып түсіндіру. 

19 наурыз күні Абонемент бөлімі  «Бір ел – бір кітап» республикалық акциясы аясында ақын, жазушы Тәкен Әлімқұловтың творчествосымен  таныстыру мақсатынд «Тәкен мұрасы – мәңгілік қазына» атты әдеби кеш ұйымдастырылды. Поэзиядан прозаға көшу жолын  үзеңгілес жазушылар баяндаған видео арқылы жеткізілді. Іс – шара барысында қатысушылар жазушының мұрасын жаңа қырынан танып, оның шығармаларына деген қызығушылықтарын білдірді. Шараға Мұрын жырау Сеңгірбекұлы атындағы Маңғыстау жоғары гуманитарлық колледжі, Асмет Ұлас колледжі және Медициналық колледж студенттері қатысты. https://www.instagram.com/reel/DHI29NBoyvi/?igsh=b2tzZHowbGo1YzFt

10.04.2025 ж.  «Бір ел – бір кітап»  Республикалық акциясы аясында Қазақстан Республикасы Мемлекеттік әнұранының авторы, көрнекті ақын, Қазақстан Жастар одағы сыйлығының иегері Жұмекен Нәжімеденовтің 90 жылдығына орай  «Жұмекен мұрасы – ұлттың ұлы қазынасы» атты әдеби-танымдық кеш өткізілді.  Мақсаты: қазақ поэзиясының кемеңгер тұлғасының  терең  шығармалары  арқылы  жастардың ұлтжандылық сезімін ояту, елін, жерін, туған тілін сүю – Отан  алдындағы  қасиетті  борыштары  екендігін  ұғындыру.  Ақынның өмір жолы, шығармашылығы туралы  мәлімет берілді, өлеңдерін балалар оқыды, талдады, әнұранды  орындады. Шараға IT  мектеп-лицейінің оқушылары қатысты, белсене қатысқан оқушылар алғыс хатпен марапатталды. 

17  сәуір  күні      «Бір ел – бір кітап»  республикалық  акциясы аясында әдеби-сазды кеш ұйымдастырылып қырмандар жүрегінен терең орын алып, есімдері ұлттық  әдебиет  пен  мәдениет тарихында мәңгі өшпес із қалдырған ақындардың өмірі мен шығармашылығын  насихаттап,  өлеңдерің оқып, әндері шырқалды. Шара соңында  «Екі ғұмыр, бір әдеби әлем» атты кітап көрмесіне библиографиялық шолу жасалды.