Сегіз қырлы саңлақ

• 0
• Оқылған саны: 2388

Жасөспірімдер бөлімінің ұйымдастыруымен Маңғыстау өлкесінің көрнекті ақыны, қаламы жүйрік жазушы, публицист, драматург, этнограф,  Абай-Шәкәрім мұнараларын, «Домалақ ана», «Хан ордалы Сарайшық»кесенелерін, Абыл ақын, Досан батыр, Омархан-Нұржамал күмбездерін, Ділдә, Әйгерім, Ақылбай сағаналарын салып, елдің мәдени мұрасын дамыта түскен айтулы сәулетші, Қазақстан Республикасының «Құрмет» орденімен марапатталған, Қазақстан Жазушылар Одағының, Қазақ Халық «Экология» академиясының мүшесі, «Қазақстанның еңбек сіңірген қайраткері» атағының иегері, Атырау облысының Махамбет ауданы, Шығыс Қазақстан облысының Абай аудандарының «Құрметті азаматы», Семей мемлекеттік пединститутының құрметті профессоры, жан жақты талант иесі Сайын Назарбекұлымен кездесу өтті. Мұндағы мақсат оқырмандарға  маңғыстаулық ақын, жазушылар  шығармаларымен кеңірек таныстыру, жас шәкірттерді ізденімпаздыққа, отансүйгіштікке тәрбиелеу. Кездесу кешіне "Жас Отан" Жастар Қанаты, Ақтау технологиялық қызмет көрсету колледжі, Маңғыстау Гуманитарлық колледжі,Маңғыстау политехникалық колледжі,"Мейірбике" колледждері қатысты.Кеште ағаның өлеңдері оқылып, өлеңіне  жазылған әндер орындалды.Әсіресе, Ақтау технологиялық қызмет  көрсету колледжі студенттері дайындаған Сайын ағаның 75 жас мерейтойына  арнау өлеңдері ерекше атап өтуге болады.Кештің соңында  оқырмандар Сайын ағамен естелік суретке түсіп,қолтаңба  алды.