Маңызды диалог және даму алаңы

• 0
• Оқылған саны: 690

2025 жылдың шілде айында Маңғыстау креатив алаңы қоғамдық белсенділер мен шығармашылық бастамашылардың басын қосқан маңызды диалог және даму алаңына айналды. Ай бойы алаңда түрлі әлеуметтік, мәдени, ағартушылық бағыттағы кездесулер мен шаралар ұйымдастырылып, қоғамның әр саласынан жиналған азаматтарға ашық пікір алмасуға, жаңа білім мен тәжірибе алуға мүмкіндік берілді. 

3-4 шілде күндері облыс мәслихат депутаттары мен қоғамдық кеңес мүшелеріне арналған екі күндік оқыту тренингі өтті. Тренинг барысында қатысушылар кәсіби тәжірибе алмасып, тиімді коммуникация мен басқару әдістерін меңгерді. 

https://www.instagram.com/share/BAKaTaXzDG

https://www.instagram.com/share/_haGb8wfL 

5 шілде күні "Сүмбіле" аналар клубының бастамасымен мәдени және тәрбиелік бағыттағы екі бірдей шара өтті. Сағат 13:00-де  «Қыз Жібек» фильмін талқылау ұйымдастырылса, одан кейін клуб мүшелері «Күретамыр» кітабы төңірегінде ашық пікірталас өткізді. Бұл кездесулер отбасылық құндылықтар мен ұлттық тәрбиенің өзекті мәселелерін талқылауға арналды.

https://www.instagram.com/share/BBQr-zKG23

https://www.instagram.com/share/BALuxMzeUf 

9 шілде күні креатив алаңында бір күнде екі маңызды шара өтті: ұлы Абай мұрасын жастар санасына сіңіруге бағытталған «Абай әлеміне шолу» атты тәрбиелік іс-шара мен  Абайдың қара сөздеріне терең әдеби талдау жүргізілді. 

19-20 шілде күндері  «Арманшыл жандар клубының» жетекшісі Базарбаева Салтанаттың бастамасымен «Инстаграмнан табыс табу жолдары» атты практикалық семинар өткізілді. Тыңдаушыларға әлеуметтік желі арқылы жеке бренд қалыптастыру мен онлайн табыс табу жолдары үйретілді.

20 шілде күні жазушы Дулат Исабековтің «Сүйекші» шығармасы негізінде «Kitap Time» кітап талқылау алаңы өтті. 

27 шілде күні Гүлнар Көптілеуованың бастамасымен маркетингке арналған кітап талқылау сабағы өтті. Бұл кездесу қатысушыларға нарықтық ойлау стратегияларын тереңірек меңгеруге жол ашты. 

Сонымен бірге МАҢҒЫСТАУ КРЕАТИВ АЛАҢЫнда басқа да керемет іс-шаралар мен кездесулер ұйымдастырылып өтті.