Жұмыс сапарымен - Жаңаөзенде!

• 0
• Оқылған саны: 3457

Облыстық кітапхана қызметкерлері Жаңаөзен қалалық орталық кітапхана мен кітапхана филиалдарына жұмыс сапарымен барып, негізгі қызметтеріне сараптама жүргізді. Сонымен бірге жаңа салынып жатқан қалалық орталық кітапхана құрылысымен де танысты.

«Жаңаөзен қалалық орталық кітапханасы» ММ–сіне қарасты 8 кітапхана филиалы бүгінгі таңда 155 664 тұрғынға (қала орталығында 79 937 адам, ауылдарда 75 727 адам) қызмет көрсетеді. 

Инфрақұрылым бойынша 8 кітапхананың 5-еуі қала орталығында (бейімделген ғимараттарда), ал 3-еуі қалаға қарасты ауылдардағы (Қызылсай, Теңге, Кендірлі) Мәдениет үйлерінде (типтік үлгіде) орналасқан. 

Жаңаөзен қалалық орталық кітапханасы 1976 жылы құрылған. Мекенжайы: Жаңаөзен қаласы, Шұғыла шағынауданында орналасқан. Кітапхана бөлімдерінде «Сырғалым» қыз-келіншектер клубы, «Жас өркен» поэзия клубы, «Өнерлі өрен»  оқырман клубтары жұмыс жасайды. 2025 ж. «Оқуға құштар оқырман» атты  жобасы жақсы нәтиже көрсетіп биылғы жылы да әкімшілік қолдауымен өз жалғасын тапты.                                                                         

Қалалық орталық кітапханасына кәзіргі таңда өзге нысанды ғимарат салынып жатыр.