«Төрлетіңіз» бағдарламасындағы тікелей эфирінде

• 0
• Оқылған саны: 200

Маңғыстаудың төл телеарнасынның «Төрлетіңіз» бағдарламасындағы тікелей эфирге 30 шілде күні Маңғыстау облыстық кітапханасының көзі көрмейтін және нашар көретін азаматтарға арналған кітапхана филиалының қоғамдық қызметкері, қазақ тілі мен әдебиеті пәнінің мұғалімі, өзге ұлт өкілдері мен орыс тілді қазақ оқырмандарға мемлекеттік тілді үйретуге бағытталған «Тіл – достық көпірі» үйірмесінің жетекшісі Жалғасбаев Алпысбай мырза тікелей эфирде арнайы қонақ болып, сұхбат берді.

    Тікелей эфир барысында Алпысбай мырза қазақ тілін үйретудегі тәжірибесі, арнаулы бөлім оқырмандарымен жүргізіп жүрген жұмыстары, мемлекеттік тілді меңгеруге қызығушылық танытқан өзге ұлт өкілдері мен орыс тілді азаматтарға қолдау көрсету бағыттары туралы әңгімеледі. Телебағдарламаның тікелей эфиріндегі тағылымды сұхбат Алпысбай Жалғасбаевтың тіл үйрету бағытындағы еңбегін кеңінен танытып, мемлекеттік тілдің мәртебесін арттыруға бағытталған игі бастамалардың маңызын көрсетті. 

   «Тіл – достық көпірі» үйірмесінің басты мақсаты – қазақ тілін үйренуге ниетті жандарға қолайлы орта қалыптастырып, мемлекеттік тілді күнделікті қарым-қатынаста еркін қолдануға ықпал ету. Өйткені тіл – адамдарды жақындастыратын, өзара түсіністік пен достықты нығайтатын рухани көпір.

Тіл үйрену – бірлікке бастар жол, ал тіл – достықтың алтын көпірі!