Менің сүйікті кітабым

• 0
• Оқылған саны: 1191

  “Kitaptime-2025” Республикалық кітап фестивалі аясында кітап оқуды насихаттау мақсатында Түпқараған аудандық орталық кітапханасы Форт-Шевченко мектеп лицейінің оқушыларына жаңа кітаптарға арналған кітап көрмесін таныстырылып және де “Бір мақал - бір тәтті” атты мақал-мәтелдерден тұратын сұрақ - жауаптар ұйымдастырылды. Сұрақтарға жақсы жауап берген оқушыларға тәтті таратылды. іс-шара мақсаты: Кітап–сарқылмас рухани қазына,- дей келе, білімнің кітап арқылы берілетінін ұғындыру. Оқушыларға кітаптың адам өміріндегі маңызы, ғылым мен білімнің пайдасы жайлы түсіндіру. Оқушылардың кітапқа деген қызығушылығын арттыру, оқулықты құрметтеуге, күтіп ұстауға үйрету. 

24 қыркүйек күні Түпқараған аудандық Орталық кітапханасының ұйымдастыруымен «Kitap Time -2025» жалпы Республикалық фестивалі аясында «Кітаптың қасиеті мәңгілік» және «Әрбір қазақ оқуы тиіс-100 кітап» атты шарасы Есбол Өмірбаев атындағы мектебінде болып өтті. Шара соңында ақын-жазушылардың жасырылған шығармаларын «Кім тапқыр» атты ойынында ойнатып, кітап көрмесімен таныстырылды. 

Түпқараған ауданның Ақшұқыр ауылдық кітапханасы елімізде өткен 100 кітап жалпыұлттық сауалнама қорытындысы бойынша таңдалып алынған қазақстандық классикалық шығармалар мен үздік туындылардың кітаптарын “Алма” балабақшасының қызметкерлеріне жүрмелі көрме өткізді. “Алма” балабақшасының қызметкерлері өздеріне ұнаған шығармаларын оқуға жаздырып алды. 

Рухани құндылықтарымызды халыққа жеткізу мақсатында Ақшұқыр ауылдық кітапханамызда ашық есік күні өткізілді.  Бағдарламада: жаңа кітаптарға шолу; 100 кітап жалпыұлттық сауалнамасы; Ұлы Абайдың 180 жылдығына ақынның өлеңдерін мәнерлеп оқу; “Менің сүйікті кітабым” атты шығармаларды оқырман балалар арасында оқыған қызықты кітаптармен бөлісу болды.

«Қазақ әдебиетінің 100 таңдаулы кітабы» жобасы аясында Баутин, Аташ ауылдық кітапханаларында жастарды қазақ әдебиетінің, әлем классиктерінің алтын қорындағы шығармаларына қызығушылықтарын арттыру, кітапқа деген ерекше көзқарас қалыптастыру мақсатымен  «Оқуға тиіс 100 кітап» атты тақырыптық кітап көрмелер жасақталды.