Абай әлеміне саяхат

• 0
• Оқылған саны: 4382

10 тамыз – қазақтың ұлы ойшылы, кемеңгер ақын, ағартушы Абай Құнанбайұлының туған күні. 

Биыл хакімнің туғанына 180 жыл толуына орай Маңғыстау облыс кітапханаларында 50-ден астам іс-шара ұйымдастырылды.

10-тамыз күні кешкі уақытта теңіз жағалауында қаланың тұрғындары мен қонақтарының белсенді қатысуымен  "Абай әлемі" атты Маңғыстау жастарымен бірлескен шара өтті. Шарада облыстық кітапхана қорынан Абай Құнанбайұлының шығармалары, аудармалары мен бірге ноталық басылымдар, журналдар, альбомдар т.б. кітаптар мен басқа да құжаттар халық назарына ұсынылды. 

Абай Шығыс пен Батыс мәдениетін жетік білген. Бірқатар әлем ойшылдарының еңбектерімен жақсы таныс болған. Философиялық трактаттар стилінде жазылған «Қара сөздері» – тақырып ауқымдылығымен, дүниетанымдық тереңдігімен, саяси-әлеуметтік салмақтылығымен құнды. 

Ұлы ақын өз шығармаларында халықты ғылыммен белсене айналысуға үндеді. Әркімді өзінің өткен әр күніне міндетті түрде есеп беріп отыруға, келер ұрпақты парасаттылыққа шақырды. 

http://irbis.pushkinlibrary.kz:8087/jirbis2/index.php?lang=kz