Маңғыстау облысының әмбебап кітапханасы : Жаңалықтар : Халық жазушысы, белгілі қаламгер Дүкенбай Досжан

Халық жазушысы, белгілі қаламгер Дүкенбай Досжан

0
Оқылған саны: 1744

Қабиболла Сыдиықов атындағы Маңғыстау облыстық кітапханасының құрамында көзі көрмейтін және нашар көретін азаматтарға арналған арнаулы кітапхана бөлімшесі бар. Қоғамның назар аударуын қажет ететін мұндай азаматтарға да республика, облыс жаңалықтары, жазушылар мерейтойлары таныстырылып, әртүрлі шаралар өткізіледі. Көздері көрмесе де жүректері сау мұндай жандарға дауыстап оқу, ақпараттық сағаттар жиі ұйымдастырылады. Бүгін халық жазушысы, белгілі қаламгер Дүкенбай Досжанның 75 жылдығына кітаптары мен өмірбаяны таныстырылды. Қатысушы аналарға жазушы есімі, кітаптары жақсы таныс болғандықтан қызыға тыңдады. Өйткені, Д.Досжан өз оқырмандарына өзін әлдеқашан мойындатқан қаламгер.