«Оқы, талқыла, досыңа ұсын» жобасы

• 0
• Оқылған саны: 607

Облыстық кітапханасының Балалар бөлімінде 22-қаңтар күні «Оқы, талқыла, досыңа ұсын» жобасы аясында Б.Соқпақбаевтың «Менің атым Қожа» шығармасына талдау өткізілді. «Кітап оқудан алған әсерім» атты бөлімде балалар өз ойларын ортаға салып, шығармадан оқыған әсерлерін жазып, әңгімеледі. «Серпілген сауалнама» атты бөлімінде балалар шығарма бойынша берілген сұрақтарға жауап беріп, белсенділік танытты.

Ақпан айында «Оқы, талқыла, досыңа ұсын» жобасы аясында  Е.Бөкетовтың «Жас Қаныш» атты кітабы талданды. Халқымыздың рухани әлеміндегі ерекше тұлға Қ.Сәтбаевтың балалық шағынан бастап өмір жолынан сыр шертетін бұл кітапта ұлттық құндылықтар туралы мол мағлұмат берілген, балалар өз оқығандарын ортаға салып талқылады. «Құтты білік» тұлғалық даму орталығының жетекшісі  Мақсотұлы М. кітап бойынша балаларға сұрақтар қойып, ұлттық тәрбие, ұлтжандылық туралы әңгімеледі.