Кітап тұсаукесерлері 2026
4-наурыз күні Маңғыстау облыстық кітапханасында Түркі ғылыми мифологиясының іргетасын қалаған феномен Серікбол Қондыбай мұрасына арналған «10 жаңа еңбек – 10 жаңа рухани белес» атты 10 жаңа кітаптың салтанатты тұсаукесері жоғары деңгейде өтті. Бұл — ғалым еңбегінің өміршеңдігін айқындаған, ұлттық руханияттағы сабақтастықты жалғаған маңызды мәдени-ғылыми оқиға болды.
Шара барысында авторлар мен зерттеушілер сөз сөйлеп, жаңа еңбектер кеңінен таныстырылды. Кеш мазмұнды баяндамалар мен тағылымды ойларға ұласты. Сондай-ақ, «Қазақ рухының символы» атты көрме ұйымдастырылды. https://www.instagram.com/reel/DVqaLQoApL_/?igsh=MTJucHV0cHB1Z3Y4bg==
Сәуір айында Маңғыстау облыстық кітапханасының конференц залда Қамар Тұмашқызының «Әулие құпиясы» кітабының таныстырылымы өткізілді. Бұл еңбекте Аманбай атаның 1850-1932 жылдар аралығындағы ғибратты ғұмыры, оның ел арасындағы емшілік, көріпкелдік қасиеттері мен соңғы өсиеттері жан-жақты баяндалған. Шара барысында Бекет Ата танушы, ардагер ұстаз Ислам қажы Мырзабекұлы әулиенің қасиеттеріне тоқталып, өзінің кітаптарын кітапханаларға сыйға тапсырды.
Ұлттық кітап күні аясында Маңғыстау облыстық кітапханасында Парсы тіліндегі Атрие Чалактың «Сұр түсті ағаш» атты кітабының таныстырылымы және Иран елшілігінің кітапты сыйға тарту рәсімі өтті.
Кеш мақсаты: Иранда жарық көрген қазақ қызы Атриe Чалактың «Сұр түсті ағаш» атты кітабын оқырман қауымға таныстыру, шетелде жарық көрген отандық автор шығармаларын насихаттау, мәдени-әдеби байланысты нығайту және кітап оқуға деген қызығушылықты арттыру. Шараға Иран елшілігі, өлке зиялылары, кітапхана оқырмандары мен ұжымы қатысты.
https://www.instagram.com/mangystau_kitapkhana/reel/DXeDd95I1Xy/
20-маусым күні кітапханамызда ғалым, экономика ғылымдарының кандидаты, қауымдастырылған профессор Ғалымжан Есқараұлы Керімбектің «Бақытты ғұмыр» атты жаңа кітабының тұсаукесері өтті.
Кітап авторы Ғалымжан Есқараұлы өзінің өмір жолы, ғылыми және шығармашылық қызметі туралы әңгімелеп, «Бақытты ғұмыр» кітабының жазылу тарихымен бөлісті. Автордың айтуынша, бұл еңбек – көп жылғы ізденіс пен өмірлік тәжірибенің, адам болмысы мен рухани құндылықтар туралы толғаныстарының жемісі.
«Бақытты ғұмыр» кітабы төрт бөлімнен тұрады. Еңбекте отбасы тәрбиесі, адамгершілік құндылықтар, ұлттық салт-дәстүрлер мен өнегелі өмір мәселелері кеңінен қамтылып, оқырманды ата-ана өнегесін құрметтеуге және отбасының қадірін бағалауға үндейді.
Тағылымды кездесудің соңында оқырмандар авторға алғыстарын білдіріп, естелік суретке түсті.
Кітапханамыздың оқырмандарға қызмет көрсету бөлімінің оқу залында «Ұлы даланың ...
Кітапханамыздың балалар бөлімінде "ҚАЗАҚСТАН - АЛМА МЕН ҚЫЗҒАЛДАҚТЫҢ ОТАНЫ" атты ...
Бүгін кітапханамызда Республикалық "Бір ел - бір кітап" 2019 акциясы аясында ...
Кітапханамыздың балалар бөлімінде 2 сәуір - Халықаралық балалар кітабы күніне ...
28 наурыз - Ұлттық домбыраны ұлықтау, насихаттау күні қарсыңында кітапханамызда ...
24,25 наурыз - Ұлттық өнер күніне орай кітапханамызда кітап көрме ұйымдастырылды. ...
12 наурыз күні кітапханамыздың балалар бөлімінде "НАУРЫЗ - ДУМАН" атты әдеби сазды ...
Өнердің адал перзенті Әмина Өмірзақованың туғанына биыл 100 жыл толды. Той әлемдік ...
11 наурыз - Ұлттық кітап күні! Осыған орай кітапханамыздың оқырмандарға қызмет ...
6 наурыз күні кітапханамызда Мұрын жырау атындағы Маңғыстау гуманитарлық ...

























