«Журналистика Жолбарысы»

• 0
• Оқылған саны: 1410

21 мамыр күні Маңғыстау облыстық кітапханасының Өлкетану бөлімінде журналист, қаламгер, Сот жүйесінің құрметті қызметкері Әнуарбек Қайырғалиұлы Жәнібек 80 жас «Журналистика Жолбарысы» кездесу кеш ұйымдастырылды.

Кездесу барысында өлке руханиятына үлес қосқан Аталық Әбдешұлы, Қожахмет Демеубергенұлы, Үміт Жәлеке, Гүлнар Науырша сөз алып, Әнуарбек Қайырғалиұлының журналистикадағы орны, адамгершілік қасиеті мен кейінгі буынға көрсеткен қамқорлығы туралы тағылымды естеліктерін айтты. М.Өскінбаев атындағы Маңғыстау облыстық филармониясының әншісі Айнұр Омарова, күйші Ақжол Қарақаев кештің көркіне көрік қосты.

Ғасырға жуық ғұмырын сөз өнері мен қоғам қызметіне арнаған Әнуарбек Жәнібектің мерейтойлық кеші жас журналистерге өнеге, көпшілікке рухани әсер сыйлаған мазмұнды басқосу болды.

Бабаларымыз байтақ Отанымызды қан төгіп қорғаса, аға буын тер төгіп, қаламның сиясын төгіп қызмет қылғаны белгілі. Осы толқынның алдыңғы қатарында Әнуар ағамыз бар. Көзі тірісінде насихаттап, өз аузынан әңгіме естіп кейінгі жас буынға таныту кітапхананың міндеті. Шара соңында «Ақжайықтың арғымағы» атты кітап көрмесі таныстырылды.