"ORDAGEN" балаларға арналған ертегілер жобасы

• 0
• Оқылған саны: 6178

25-наурыз күні Маңғыстау облыстық кітапханасында "2022 жыл - Балалар жылы" аясында "Ордаген" балаларға арналған ертегілер жоба авторларымен кездесу кеші өтті.

Жобаны қолдау мақсатында жоба бойынша жарық көрген танымдық оқу құралдарының тұсаукесері ұйымдастырылды.

Кітапханадағы шараға Маңғыстау облысының мәдениет, архивтер және құжаттама басқармасының басшысы Сармурзина Пания Оналбайқызы, ақын-журналист Үміт Жәлеке, журналист Голрох Жеменей, Қазақстан Жазушылар Одағының мүшесі, журналист, ақын Анар Шамшадинова, жазушы, сатирик, композитор Ерекен Қорабаев, балалар ақыны, сазгер Көмек Ыбыраев, көпшілік және мектеп кітапханашылары, балабақша қызметкерлері қатысты.

Бүгінге дейін аталмыш жоба аясында 1000-ға жуық заманауи ертегілер жазылып, әр ертегінің аудионұсқасы дайындалды. Ең көп оқылған, тыңдалған ертегілердің мультфильм нұсқасы түсіріліп, «OrdaGen» мобильді қосымшасы арқылы бүлдіршіндерге тегін пайдалануға берілген.

Жоба ұйымдастырушылары облыстық кітапхана қорына және шара қонақтарына кітаптар сыйлады.

Кітапханаға кел! Бізбен және «OrdaGen»-мен бірге кітап оқы!

#ұлттықруханижаңғыру #ордаген #ертегілер #сказкотерапия #аңыздар #жоба #қазақстан #балаларжылы #болашақ #маңғыстау #кітап #білім #книгидетям #знаниясила