«Бір ел – бір кітап» республикалық акциясы аясында

• 0
• Оқылған саны: 2341

27 қараша күні  облыстық кітапханасының жасөспірімдер бөлімінде «Бір ел – бір кітап» республикалық акциясы аясында, қазақтың көрнекті жазушысы, әдебиет сыншысы Тәкен Әлімқұловтың шығармашылығына арналған «Тәкен прозасының тереңдігі» тақырыбында әдеби-танымдық кеш өтті. Шара барысында жазушы шығармашылығы жайлы мәліметтер айтылып, қысқаша бейнеролик көрсетілді. №12 мектеп оқушыларынан құралған шығармашылық топ автордың «Махаббат күйігі» тақырыбындағы әңгімесі желісімен әдеби көрініс сахналады. Сонымен қоса, оқушылар белсенділіктерін танытып Тәкен Әлімқұловтың «Қараой» шығармасын талдады. Әңгімедегі кейіпкерлер портреті, шығарма идеясы, көркемдік сипаты сынды сұрақтарға жауап іздеді. Және де жазушының өзіндің жазу стилі жайлы да сөз қозғалды. Шараға Ақтау қаласының №12 мектеп 8-9, №22 мектеп 9 сынып және №18 мектеп 10 сынып оқушылары, мұғалімдері, кітапханашылары белсене қатысты. Шара соңында белсенді қатысқан оқушылар арнайы алғыс хаттармен марапатталды. «Әлімқұлов әлемі: ой мен образ» атты арнайы жасақталған көрме таныстырылды. 

Шараның мақсаты: Тәкен Әлімқұловтың өмірі мен шығармашылық мұрасын кеңінен таныту, оның прозасындағы ұлттық болмыс, көркемдік ерекшелік, адам характерін ашудағы шеберлігін талдау. Оқырмандардың әдеби талдау қабілетін дамыту және жазушы шығармаларына деген қызығушылығын арттыру.