Абай ақынның өлеңдерін нүктелі-бедерлі қаріптегі өлеңдер жинағы.

• 0
• Оқылған саны: 7247

Қабиболла Сыдиықов ат-ғы Маңғыстау облыстық кітапханасында оқырмандардың әр түрлі топтары: балалар, жастар, үлкендермен қатар мүгедек оқырмандарға да тең құқылы қызмет көрсетіледі, ел жаңалықтары таныстырылып, әр түрлі шаралар ұйымдастырылып тұрады. Мүгедектермен жұмыс негізінен көзі көрмейтін және нашар көретін азаматтарды магнитофон лентасына жазылған кассеталармен қамтамасыз ету, оқу машинкасын пайдалану арқылы кітап оқыту, баспасөздегі жаңалықтарды дауыстап оқып беру, кітапханаға өздігінен келе алмайтын мүгедектерге үйлеріне кітап апарып беру бағыттарында жүргізіледі. Оқу машинкасы “Книголюб” арқылы кассетаға жазылған көркем әдебиеттер және Брайль жүйесімен жазылған нүктелі-бедерлі кітаптар тұрақты оқырмандарға күн сайын оқытылып отырады. Көздері көрмесе де, көңілдері ояу, жаңалыққа жаны құмар жандар үшін кітапхана қызметкерлері Б.Көшенова мен Д.Қожанова техника көмегімен Абай ақынның өлеңдерін нүктелі-бедерлі кітапша етіп шығарды. Жаздырып оқимын деушілерге кітапхана есігі ашық. Мекен-жайы: 11 шағын аудан, №16 үй, 52-пәтер. Көз мүгедектері кітапханасы. 

Н. Еңсегенова