Елордада Сәттіғұл Жанғабылұлының 150 жылдығына арналған әдеби кеш өтті.

• 0
• Оқылған саны: 3444

Елордада Сәттіғұл Жанғабылұлының 150 жылдығына арналған әдеби кеш өтті.

ҚР Ұлттық академиялық кітапханасында «Алтынын жырдың ақтардым» атты әдеби-сазды кеш ұйымдастырылды. Іс-шара халық ақыны Сәттіғұл Жанғабылұлының 150 жылдық мерейтойына арналды. Кешке ақындар, ұстаздар, халық өнерін қадірлейтін қауым өкілдері, студенттер мен кітапхана оқырмандары қатысты.

Кеш барысында ақын шығармалары заманауи әуенмен орындалып, оның өмірі мен шығармашылығына арналған кітап көрмесі ұсынылды. Кітап көрмесін дайындап, Елордаға апарып, көпшілікке таныстырған – Маңғыстау облыстық әмбебап кітапханасының басшысы мен өлкетану бөлімінің кітапханашылары.

Іс-шараға қатысушылар Сәттіғұл Жанғабылұлының өмір жолы мен шығармашылық мұрасын, қазақ поэзиясының дамуына қосқан үлесін, сондай-ақ рухани құндылықтарды сақтаудағы орнын кеңінен талқылады. Ақын шығармашылығының елдің мәдени мұрасында айрықша орын алатыны ерекше атап өтілді.