Жанды желпіндірген, там-тұмдап жүрекке енген - музыка

• 0
• Оқылған саны: 6195

Кітапханамыздың өнер бөлімінде 1 қазан – Халықаралық музыка күніне арналған «Жанды желпіндірген, там-тұмдап жүрекке енген-музыка» атты шара өтті. Шараға Маңғыстау гуманитарлық колледжінің 2 курс студенттері мен мұғалімдері қатысты. Қатысушылардың назарларына  кітапханамыздын өнер бөліміндегі музыкаға арналған, музыка туралы, музыканың тарихы, теориясы, «Кәсіптік білім» сериясымен мұғалімдерге арналған кітаптары, музыка өнерпаздар туралы кітаптар қойылды. Соның ішінде «Мәдени мұра» Мемлекеттік бағдарламасымен шыққан кітаптарына тоқтап, қысқаша «Мәдени мұра» Мемлекеттік бағдарлама туралы айтып кеттік. Қатысушылар Елбасы Н.Назарбаевтың «Мәдени мұра» ұлттық жобасы аясында дүниеге келген, қазақтың баға жетпес асыл қазынасына айналған дәстүрлі ән үлгілері - ғұрыптық әндер, халық әндері мен кәсіби халық композиторларының әндерін бір арнаға жинаған - «Қазақтың дәстүрлі 1000 әні» антологиясымен, халқымыздың 1000 жылдық мәдени мұрасы, домбыраға, сыбызғыға, қобызға арналған 1000 үздік таңдаулы күйлерінің антологиясымен танысты.