«Сегіз қырлы, бір сырлы»

• 0
• Оқылған саны: 6

18 қыркүйек күні Маңғыстау облыстық кітапханасында  Қазақстан Жазушылар одағының және Қазақстан Журналистер одағының мүшесі, Халықаралық «Алтын қалам» байқауының жүлдегері, «Мәдениет саласының үздігі», сазгер Ерекен Қорабаевтың  70 жасына арнап «Сегіз қырлы, бір сырлы» атты ақынның қатысуымен кездесу кешін өткізді. Кеш қонақтары: балалар ақыны Көмек Ыбыраев, мәслихат депутаты Пәния Сармурзина, ақындар  Ислам Қосжан және  Маусымжан Диханбаева, профессор Әділет Қабылов, әнші Есенбай Құли, ұстаз Қамар Ауданбаева болды.

Әдеби-мәдени шараның негізгі мақсаты - қаламгердің шығармашылық жолын насихаттау, әдеби мұрасын оқырманға кеңінен таныстыру және Маңғыстау әдебиетінің дамуына үлес қосып жүрген қаламгерлердің еңбегін дәріптеу.

Кеш ақын туралы бейнебаян көрсетуден басталып,  ары қарай өлеңдері оқылып, әндері шырқалды. Зиялы қауым өкілдері ақын, жазушы, сазгер туралы түрлі естеліктер айтып,  жылы лебіздері мен құттықтауларын жеткізді.

https://www.instagram.com/reel/DddJ0PXo-J7/?stkn=OTRqNHd6c212MWFp