Кітап оқу сайысы
5-желтоқсан күні облыстық кітапханасында Бекет ата мешітімен бірлескен Серікбол Хасанның «Қаныш Сәтбаев кім?» деген кітабы бойынша мектеп оқушылар арасында Ұлы тұлғаларды танытуға арналған Кітап оқу сайысы өтті. Сайысқа 12 орта мектептің балалары белсене қатысты. Шараның мақсаты – қазақ ғылымының негізін қалаған ұлы тұлға, геолог, академик Қаныш Имантайұлы Сәтбаевтың өмірі мен еңбегі туралы балалардың білімін кеңейту, ғылыми ойлау қабілетін дамыту болды. Айта кетейік, сайысқа Маңғыстау облыстық Қажылар қауымдастығы демеушілік көрсетіп, балаларға ерекше қолдау танытты. Сайысқа қаланың №12,13,24,16,19,32,34 «ІТ мектеп-лицейі», «Kvant», «Advanta.kz», «Aqtau international school», «Жас қанат» мектептерінің балалары қатысты.
